Gañadoras e gañadores socixs de AGAG nos XXIV Premios Mestre Mateo da Academia Galega do Audiovisual

Entre as galardoadas, destacaron varias producións vinculadas a socias e socios da Asociación Sindical Galega de Guionistas (AGAG), que tiveron unha presenza salientable no palmarés desta edición.

O premio a Mellor Guión foi para “Antes de nós”, de Pepe Coira, mentres que o galardón a Mellor Serie recaeu en “Weiss e Morales”, na que participan os socios Alberto Guntín, Dani D. García e Puri Seixido, xunto a Carlota Dans e Nina Hernández.

Na categoría de Mellor Programa, o recoñecemento foi para “Cos pés na terra”, unha idea orixinal de Pepe Coira que contou coa participación do tamén socio Marcos Estebo. Pola súa banda, “360 Curvas”, producida por Xacio Baño, fíxose co premio a Mellor Documental.

Finalmente, o galardón a Mellor Realización foi para “Historias de Aquí”, dirixida por Marcos Nine, completando así unha noite de éxitos para o talento galego.

Parabéns!